🔥 අද ආසාදිතයින් 09 - එකතුව 856

May10 8.40pm අද (10) දිනයේ මේ වන විට නව කොරෝනා ආසාදිතයින් ගණන 9 ක් හමුවී ඇති අතර එකතුව 856 දක්වා ඉහළ ගොස් ඇති බව වසංගත රෝග විද්‍යා අංශය සඳහන් කරයි. May09 7.40pm නව කොරෝනා ආසාදිතයින් 03 දෙනෙකු වාර්තා වීමත් සමඟ මෙරට සමස්ත කොරෝනා ආසාදිතයින්ගේ සංඛ්‍යාව 847 දක්වා ඉහළ ගොස් තිබෙනවා.අද එකතුව 12 කි. 4.30pm නව කොරෝනා ආසාදිතයින් 09 දෙනෙකු වාර්තා වීමත් සමඟ මෙරට සමස්ත කොරෝනා ආසාදිතයින්ගේ සංඛ්‍යාව 844 දක්වා ඉහළ ගොස් තිබෙනවා. 9.00am නව කොරෝනා ආසාධිතයින් 11 දෙනෙකු ඊයේ වාර්තා වීමත් සමග මෙරට කොෙරෝනා ආසාධිතයින් සංඛ්‍යාව 835 දක්වා ඉහළගොස් තිබෙයි. මෙම ආසාධිතයින් 11 දෙනාම නාවික හමුදා කදවුරේ සාමාජිකයින් බව හමුදාපතිවරයා අද උදෑසන කීය. May08 7.00am තවත් ආසාදිතයෙක් හඳුනා ගැනීමත් සමඟ ශ්‍රී ලංකාවෙන් වාර්තාවන කොරෝනා වෛරස් ආසාදිතයන් සංඛ්‍යාව 824 ක් දක්වා ඉහළ ගොස් ඇත.ඊයේ (07) දිනයේදී රෝගීන් 27 දෙනෙක් වාර්තා වී තිබෙන බව වසංගත රෝග විද්‍යා අංශය සඳහන් කර තිබේ. May07 12.00pm ආසාදිතයන් 18 ක් වාර්තාවීම නිසා එකතුව 823 ක් දක්වා ඉහළ ගොස් තිබෙනවා.දවසේ එකතුව 26 කි. 11.00pm ශ්‍රී ලංකාවෙන් වාර්තාවන කොරෝනා වෛරස් ආසාදිතයන් සංඛ්‍යාව 805 ක් දක්වා ඉහළ ගොස් තිබෙනවා. ඒ තවත් අසදිතයෙක් හඳුනා ගැනීමත් සමගයි. 5.30pm කොරෝනා වෛරසය ආසාදනය වූ තවත් කොරෝනා ආසාදිතයින් හත්දෙනෙකු අද (7) දිනයේ මෙරටින් හදුනාගෙන තිබේ. ඒ අනුව, මේ වනවිට සමස්ත ආසාදිතයින් ගණන 804 දක්වා ඉහළ ගොස් තිබේ. ආසාදිතයින් එකතුව 800 සීමාව ඉක්මවා යාම ඒ අනුව සිදුවිය.

මාර්තු මස 11 වැනිදා මෙරට තුළින් පළමු ශ්‍රි ලාංකික කොවිඩ් - 19 වෛරස ආසාදිතයා හමුවිය.එදා සිට ක්‍රමයෙන් ඉහළ ගිය ආසාදිතයින් ගණන අද වන විට 800 ඉක්මවා තිබේ.

පළමු ආසාදිතයින් 100 දෙනා වාර්තා වන්නේ, දින 14 ක කාලයක් තුලදීයි. දෙවැනි ආසාදිතයන් 100 දෙනා දින 18 ක් තුළදි වාර්තා වූ අතර තුන්වැනි ආසාදිතයින් 100 දෙනා දින 9 ක් තුළදි සොයාගැණුනි.  නමුත්, සිව්වැනි ආසාදිතයින් සියදෙනා වාර්තාවන්නේ ඉතාමත් කෙටි කාලයක් තුලදීයි. ඊට ගතවන කාලය දින 4 කි. යළි ආසාදිතයින් වාර්තාවිමේ වේගය ඉහළයමින් දින 2 ක් තුළ ආසාදිතයින් 400 සිට 500 දක්වා වාර්තා වෙයි. ආසාදිතයින් 500 සිට 600 දක්වා වාර්තා විමට ගත වන්නේ ද  දින 2 ක් පමණයි. හත්වැනි ආසාදිතයින් සිය දෙනා වාර්තාවීමට ගතවන කාලය සටහන් වන්නේ දින 5 ක් ලෙසයි. අද 8 වැනි ආසාදිතයින් සිය දෙනා ඉක්මවා යාම දින 5 කදී සිදු විය.