🔥 දවසේ 20 වැනියාත් හමුවේ - ආසාදිතයින් එකතුව 330

April22 11.50pm ශ්‍රී ලංකාවෙන් හමුවූ කොරෝනා වෛරස් ආසාදිතයන්ගේ සංඛ්‍යාව 330දක්වා ඉහළ ගොස් තිබෙනවා. ඒ තවත් රෝගීන් 02 ක් වාර්තාවීමත් සමඟිනි.ඒ අනුව අද දිනයේදී රෝගීන් 20 ක් හමුවී තිබේ. 11.20pm අද දිනයේදි කොරෝනා ආසාදනය වූ තවත් පුද්ගලයින් 5 ක් හමුවී තිබේ. ඒ අනුව අද දිනයේදී මේ දක්වා රෝගීන් 18ක් හමුවී තිබේ. දැන් එකතුව 328 කි 7.30pm අද දිනයේදි කොරෝනා ආසාදනය වූ තවත් පුද්ගලයෙක් හමුවී තිබේ. ඒ අනුව අද දිනයේදී මේ දක්වා රෝගීන් 13ක් හමුවී තිබේ. දැන් එකතුව 323 කි මොහු ඔලුවිල් නිරෝධායන මධ්‍යස්ථානයේදී හමුවූ ජාඇල සුදුවැල්ල පදිංචිකරුවෙකු බව වාර්තාවේ. 5.30pm අද දිනයේදි කොරෝනා ආසාදනය වූ තවත් පුද්ගලයෙක් හමුවී තිබේ. ඒ අනුව අද දිනයේදී මේ දක්වා රෝගීන් 12ක් හමුවී තිබේ. ආසාදනය වූ පුද්ගලයා පොලොන්නරුව රෝහලේ ප්‍රතිකාර ලබමින් සිටින අයෙකි. 2.00pm ශ්‍රී ලංකාවෙන් හමුවූ කොරෝනා වෛරස් ආසාදිතයන්ගේ සංඛ්‍යාව 321 දක්වා ඉහළ ගොස් තිබේ. තවත් රෝගීන් 11 ක් වාර්තාවී ඇත.හඳුනාගත් 11 දෙනාම බේරුවල ප්‍රදේශයේ අය බවද ඔවුන් නිරෝධායන මධ්‍යස්ථානයක සිටියදී පරීක්ෂණ ධනාත්මකවූ බවද දන්වා ඇත. පී.සී.ආර්.පරීක්ෂණයට භාජනය කළ පන්නිපිටිය පෞද්ගලික රෝහලේ 69 දෙනෙකුගෙන් යුත් කාර්ය මණ්ඩලයට කොරෝනා ආසාදිත රෝග ලක්ෂණ නොමැති බවට වෛද්‍ය වාර්තා මගින් තහවුරු වී ඇතැයි මහරගම සෞඛ්‍ය වෛද්‍ය නිලධාරී රිසිනී මාරසිංහ මහත්මිය පැවසුවාය. පිළියන්දල නිවන්තිඩිය  ග්‍රාමෝදය මාවතෙහි මාළු ව්‍යාපාරිකයාගේ පවුලේ සාමාජිකන් සහ සමීපව ඇසුරුකළ පිරිසට කොරෝනා ආසාදනය වී නැති බව තහවුරු වී ඇති බව පිලියන්දල සෞඛ්‍ය වෛද්‍ය නිලධාරී වෛද්‍ය ඉන්දික එල්ලාවල මහතා ප්‍රකාශ කළේය.    April21 6.00pm නව කොරෝනා වෛරසය වැළදුණු තවත් ආසාදිතයකු වරකාපොළින් වාර්තාවී ඇත. ඒ අනුව මෙරටින් වාර්තා වන මුළු කොරෝනා ආසාදිතයින් ගණන 310 කි. (මෙම ආසාදිතයා මුලින් රත්නපුර අයකු ලෙස වාර්තා කර තිබුන අතර එය ප්‍රමාද දෝෂයක් ලෙස පසුව නිවේදනය විය) 11.30am නව කොරෝනා වෛරසය වැළදුණු තවත් ආසාදිතයින් 5ක් වාර්තා වූ බව වසංගත රෝග විද්‍යා ඒකකය සඳහන් කර සිටිනවා. ඒ අනුව මෙරටින් වාර්තා වන මුළු කොරෝනා ආසාදිතයින් ගණන 309 කි.